काठमाडौं। राष्ट्रिय स्वतन्त्र पार्टीका सभापति रवि लामिछाने भारतको नयाँदिल्ली पुगेका छन्।
भारतीय जनता पार्टी (बीजेपी) को निमन्त्रणामा उनी सोमबार दिल्ली गएका हुन्।
सभापति लामिछाने नेतृत्वको टोलीलाई नयाँदिल्लीस्थित विमानस्थलमा भारतीय जनता पार्टीका राष्ट्रिय महासचिव तथा राज्यसभा सांसद अरुण सिंहले स्वागत गरेका थिए।
परराष्ट्र मन्त्रालय स्रोतका अनुसार जेठ १८ गते भारत गएका लामिछाने जेठ २२ गते नेपाल फर्कनेछन् ।
फागुन २१ को निर्वाचनपछि प्रतिनिधिसभामा झन्डै दुई तिहाइको बहुमत प्राप्त गरेको रास्वपाका तर्फबाट पार्टी प्रमुखको हैसियतले हुन लागेको यो पहिलो विदेश भ्रमण हो ।
यो भ्रमण सत्तारूढ दलको प्रमुखको हैसियतमा लामिछानेको पहिलो उच्चस्तरीय विदेश भ्रमण मानिएको छ। भ्रमणका क्रममा भारतीय प्रधानमन्त्री नरेन्द्र मोदी, विदेशमन्त्री एस जयशंकर, राष्ट्रिय सुरक्षा सल्लाहकार अजित डोभाल, सडक तथा राजमार्ग मन्त्री नितिन गडकरी लगायत उच्च अधिकारीसँग भेटघाट हुने सम्भावना छ।
लामिछानेको भ्रमण टोलीमा लामिछाने पत्नी निकिता पौडेलसहित स्वकीय सचिव अविनाश आचार्य, सहमहामन्त्री विपिन आचार्य र विदेश विभाग प्रमुख दीपक बोहरा छन् ।
यो खबर पढेर तपाईलाई कस्तो महसुस भयो ?
प्रतिक्रिया दिनुहोस् !
संबन्धित खबर
